பிரதேச செயலகம் - நுவரகம் பளாத்த

அறிமுகம்

பரப்பு மற்றும் எல்லை

பிரதேசத்தின் பரப்பு 94.16 சதுர கிலோமீட்டராகும். இதில் நிலம் மற்றும் நீர்ப் பிரதேசமும் உள்ளடங்குகின்றது. அதில் 40% ம் வீட்டுத் தோட்டம் என்பதுடன் 17 % வை விவசாய நடவடிக்கைக்கும், 43 % ம் ஏனைய விடயங்களுக்கும் உபயோகிக்கப்படுகிறது. வட மத்திய மாகாண நிருவாக மற்றும் வர்த்தக நிலையமாக கனிக்கப்படும் அநுராதபுர நகரத்தின் கிழக்கு நுவரகம் பிராந்திய பிரதேச செயலகம் வடக்கில் மிஹிந்தலை பிரதேச செயலகத்தையும், கிழக்கில் திரப்பனை பிரதேச செயலகத்தையும் தெற்கில் நாச்சியாதீவு பிரதேச செயலகத்தையும் மேற்கில் மத்திய நுவரகம் பிராந்திய பிரதேச செயலகத்தையும் எல்லைகளாகக் கொண்டுள்ளது.

பிரிவு மற்றும் கிராமங்கள்

பிரதேச செயலகப் பிரிவில் 29 கிராம உத்தியோகத்தர் பிரிவுகளும், 72 கிராமங்களும் உள்ளது. மொத்த கிராம உத்தியோகத்தர் பிரிவுகளில் 11 அநுராதபுரம் மாநகர சபை அதிகார பிரதேசத்துக்கு உட்பட்டதுடன், ஏனையவை பிரதேச சபை அதிகார எல்லைக்கு உட்பட்டது. பிரிவின் மொத்த சனத்தொகை 76482 ஆகவும், குடும்பங்களின் எண்ணிக்கை 19647 ஆகும்.

காலநிலை

அநுராதபுர மாவட்டம் முழுவதும் வெப்பமண்டல மழையடன் கூடிய காலநிலை காணப்படுகிறது. அதேபோன்று மாற்றத்துடன் கூடிய மழை கால நிலையை இப்பிரதேசம் கொண்டுள்ளது. இப்பிரதேசத்தின் வருடாந்த மழை வீழ்ச்சி 600 – 950 மி.மி. ஆகும். பருவகால மழை வீழ்ச்சி ஒக்டோபர் – நவம்பர் காலப்பகுதியில் காணப்படுவதுடன், மாதாந்த சாராசரி வெப்பநிலை நவம்பர் தொடக்கம் மார்ச் வரையுள்ள காலத்தினுல் கிடைக்கின்றது.

மண்

பிரதேச செயலாளர் பிரிவானது சமவெளியான தன்மையுடையது. அதில் சிவப்பு நிற மண் வகை மற்றும் லோஹியுமிக் மண் இங்கு காணக்கூடியதாக உள்ளது. இந்த மண் நீரை விரைவாக கொண்டுசெல்ல உதவுவதுடன் மழையினால் அல்லது நீர்ப்பாசனத்தினால் செய்யப்படும் பயிர்களுக்கு மிகவும் பொறுத்தமானது.

பிரதேசத்தின் வரலாற்றுப் பின்னணி

வரலாற்று ரீதியாக பார்க்கின்ற போது இலங்கையின் பழங்குடியினரில் முதன்மையான அநுராதபுரம் புதிய நகரம் மற்றும் பழைய நகரத்தின் ஒரு பகுதி இந்த பிரதேச செயலகத்துக்கு உரித்தாகின்றது.

அநுராதபுர மாவட்டத்தின் அநுராதபுரம் கிழக்கு தேர்தல் தொகுதியின் அநுராதபுர மாநகர சபை மற்றும் கிழக்கு நுவரகம் பிராந்திய பிரதேச சபை ஆகிய உள்ளூராட்சி மன்றங்களுக்கு உரிய இப்பிரதேசத்திலுள்ள கிராமங்களில் பெரும்பாலானவை 10 வருடங்களுக்கு முன்னர் குளங்கள் அளவை செய்யும் போது தமிழ் மொழியில் பெயரிடப்பட்டாலும் பண்டைய சிங்கள குடியிருப்பு இருந்ததுடன், தற்காலத்திலும் சிங்கள மக்களின் வாழ்விடமாக காணப்படுகிறது.

இது தவிர வர்தகம், பயிர்ச்செய்கை மற்றும் தொழில் ரீதியாக தூர பிரதேசத்திலிருந்து வந்த சிங்கள மற்றும் முஸ்லிம் நபர்களில் அதிகமானவர்கள் நிரந்தர குடியிருப்பாளர்களாக நகரத்துக்கு அண்மையில் வசிக்கின்றனர். நகரத்திலிருந்து சற்று தூரத்தில் அமைந்துள்ள கிராமங்களில் வாழும் அதிகமானோர் விவசாயத்தை தமது முதன்மை ஜீவனோபாயமாக செய்வதுடன், நகரத்துக்கு அண்மையில் வசிக்கும் மக்கள் வர்த்தக நடவடிக்கை மற்றும் தொழில் துறையில் ஈடுபடுவதை தற்காலத்தில் காணக்கூடியதாகவுள்ளது.

FaLang translation system by Faboba